Schun frieh hot de Spucksepp
uns uf’s Lewe vorbereit
mit Carpați,
Naționale un Mărăşeşti.







In seiner Erdhitt hot’s immer
noh kaltem Rauch geroch.
Mer hun forr sei Zigarettl
dehoom sogar Geld gstohl.

Uf mol hot sei Kiehhalterpeitsch
nemi dorch’s Dorf geknallt
un morjets frieh hot nimand meh
aus’m Gasseteerche gspautzt.

Mittachs hun se de Sepp
bei Epches aus’m Brunne gholl,
un mer kloone Buwe
hatte e Vorbild vlor.

Er hot gemoont,
wann er in de Brunne springt,
kummt er uf die anner Seit
vun der Welt
noch vor alle annre,
mit ehrem ville Geld.


[Uf der Schanz, 1997]